Хүн хүнийхээ төлөө амьдардаг энэ хорвоод хүний төлөө сайн үйл хийхээс сайхан зүйл гэж үгүй. Бид бусдыг баярлуулахдаа хамгийн их жаргалыг мэдэрдэг. Тийм болохоор та бүхнийг амьдралын цэцэг, бидний ирээдүй болсон нэгэн хүүгийн төлөө сайхан ерөөлөө харамгүй хайрлаач гэж гүйж байна. Ердөө 13 настай Д.Хишигт хүүд Монголд урд нь илэрч байгаагүй цусны М7 гэдэг маш хүнд хэлбэрийн хорт хавдар тусч аврагдах цорын ганц боломж нь Япон улсад эмчлүүлэж байгаа билээ.

Хишигт хүү 2003-2009 оны хооронд улс, хотын чанартай математикийн олимпиадад оролцож, тухай бүрт алт мөнгөн медаль, тусгай байрын шагнал хүртэж байсан авьяаслаг хүү юм байна. Үзүүлсэн амжилт бүрийг нь энд тоочино гэвэл багтахгүй их. Монголын ирээдүйд ихийг бүтээж чадах ийм нэг хүү өнөөдөр хүнд өвчний улмаас шаналж, эдгэрнэ гэсэн итгэлийг бяцхан зүрхэндээ өвөрлөн хүлээж буй.

Би энэ хүүхдийг сайн танихгүй лдээ. Гэхдээ манай эгч эцэг эхтэй нь холбоотой байдаг юм байна лээ. Саяхан химийн эмчилгээгээ дуусгаад түр гэртээ гарч байгаа гэж дуулсан. Харамсалтай нь хүү химийн эмчилгээгээрээ эдгэчих болов уу гэсэн найдлага нь талаар болж чөмөг шилжуүүлэн суулгах эмчилгээнд шилжиж байгаан байна. Харин Манай эгч Хишигт хүүг эмнэлэгээс гараад гэртээ байх хооронд найз нартайгаа эргэж очихоор ярилцсан гэдгээ надад хэлсэн юм. Тэгээд би тэр хүүд захиа бичих гээд сууж байна. Гэхдээ ганцаарахнаа амиа бодож захиа бичье гэж бодсонгүй. Банжигийнхантайгаа цуг захиа бичээд явуулдаг юм билүү гэж бодлооо. Та нар минь юу гэж бодож байнадааа. Харин би хандив тусламж гуйх гээгүй юм шүү. Зүгээр л сэтгэлийн сайхан үгэээ харамгүй энэ хүүд зориулааач гэж гуйх гэсэн юм.

Хүүгийн сэтгэлийг сэргээчихээр урамтай сайхан сургааль хэллэг үлгэр тууж бичсэн ч болно шүү найз нараа

Монголоос

1. ЖивЖив: Ойролцоо насны хүү байна. Хурдан эдгээрэй

2. ZvRhen_Chimeg: Жижигхээн дүү минь хурдан эдгээрэй. Итгэл найдвар хамгийн сүүлд мөхдөг юм шүү

3. бялзуух: Өмнө нь Хишигтэд өөр сувгаар үгээ зориулж байлаа... Одоо Өөлхөнөөгөөрөө дамжуулж бас сэтгэлийн үгээ хүргэнэ гэхээр гоё байна... Авъяаслаг ухаалаг дүү минь мятаршгүй Жулма шиг байгаарай... Өвчний өмнө битгий бууж өгөөрэй... Сэтгэлдээ нартай байхад, итгэлдээ мөртэй байхад бүх юм сайхан болох өдөр ирнээ... Монголчууд бас авьяаслаг хөөрхөн дүү чамайг аврахын төлөө тусламжийн гараа сунгацгааж байгаа юм билээ.. Тэр олон хүний сайхан сэтгэл нийлж өвчнийг дийлэх их хүч болон хуримтлагдаж байгаа гэдэгт итгэж байна... Эмчилгээ нь амжилттай болноо,,, хурдан эдгээд үе тэнгийнхэнтэйгээ хамт хүсэл мөрөөдлөөрөө жигүүрлэн амьдраарай

4. LOVER GIRL: Сайн байна уу хөөрхөн дүү минь, эгч нь чамайг Өөлхөнөө гэдэг нэртэй дүүгээсээ мэддэг боллоо. Их мундаг хүү гэж дууллаа. Яасан олон медальтай юм бэ? Зургийг чинь бас харлаа. Ёстой хөөрхөн хүү байна даа. Одоо найзуудтайгаа уулзаж хөөцөлдөн гүйж, хичээлдээ явж чадахгүй байгаа ч гэсэн тун удахгүй тэр цаг ирнээ гэдэгт чамайг мэддэг бүх хүмүүс итгэлтэй байгаа шүү. Урвайж болохгүй шүү. Урвайгаад байхаар өвчин эдгэхдээ удаан байдаг юм. Инээх тусам хурдан эдгэнэ. Бас өөрийгөө өвчинтэй хэцүү байна, одоо яанаа гэж бодож, санаа зовж ердөө ч болохгүй. Түр зуур л хэцүү байгаа юм. Хэсэг хугацааны дараа чи эв эрүүл болчихно доо. Санаа зоволтгүй. Дээрээс нь чи чинь энгэрээрээ дүүрэн медальтай баатар эр юм чинь мундаг байгаа байхаа. Миний дүү энэ онигоог уншаад инээгээсэй гэж бодоод эгч нь онигоо бичиж явууллаа шүү.

....Баавгай мөнгөө газар доор нуучихаад: -Энд мөнгө байхгүй шүү гээд биччихжээ. Сарын дараа мөнгөө авах гэсэн чинь мөнгө нь байхгүй оронд нь: -Туулай аваагүй шүү гэсэн бичиг байжээ: * * * * * *

.....Туулай гуанзанд ороод цай аваад ширээн дээр тавичихаад талх авахаар явахдаа - Энэ цайн дотор би нулимчихсан шүү гэж бичээд хүрээд иртэл - Би ч гэсэн нулимчихсан шүү гэсэн байв. За тэгээд хүчтэй байгаарай миний дүү. Эгч нь дээхнэ үед бас өвдөөд зөндөө удаан хэвтсэн. Харин одоо эв эрүүл болчихоод ажлаа хийгээд явж байна. Чи удахгүй хичээлдээ явж байх болноо. Нээрээ шүү. Гол нь чи урвайваа. Өө тийм дээр бас нэг онгоцны жолооч нисч яваад осолд орж л дээ. Тэгээд эмнэлэгт очоод эмч нар тэр хүнийг хэзээ ч явж чадахгүй гэж оношилж. Тэгсэн чинь тэр нисгэгч зоригтой эр байж л дээ. Өдөр бүр өөрийгөө эрүүл болчихоод хоёр хөл дээрээ алхаж байна гэж бодоод л итгээд л инээмсэглээд л байж. Тэгээд өөрөө итгэлтэй байсан болохоор нэг л өдөр явдаг болж эмч нарыг гайхшруулсан гэсэн. Чи бас тэр нисгэгч шиг зоригтой юм чинь удахгүй эдгэрнээ.

5. Mr.Freeman: Хурдан эдгээрэй дүү минь.... Сэтгэл сайтай ухаалаг хүү чиний ирээдүй өөдрөг гэрэл гэгээтэй, аз жаргалтай байх болно гэдэгт бүрэн итгэж байна...
.
6. Anjigai: Ахын дүү чи том эр болоод чамайг багад чинь хүмүүс хэрхэн хайрлаж, яаж чиний төлөө хил хязгааргүй санаа зовж байсныг битгий мартаарай. Эдний сайхан сэтгэлийн хариуд зүгээр л сайн хүн болоорой. Ээж аавдаа ачлалтай, эрдэм номтой мундаг иргэн болоорой. Чи эдгэнэ шүү. Энэ олон хүний эерэг энерги чамайг хүрээлж байгаа тул ахын дүү эдгэж л таараа. Зоригтой бас тууштай, мятрашгүй итгэлтэй байгаарай. Амжилт бас зориг, хүч бэлэглэе.

7. Molor: Өө ийм мундаг хүүг чинь бурхан сорьж бгаам. Тэгэхээр миний хонгор өвчнийг эмээр биш сэтгэлээр давах хувь нь илүү байдаг гэдгийг ойлгоод сэтгэлээ цоглог байлгаж, эдгэрээд ээж аавыгаа баярлуулаарай.

8. tsets31: Сайн уу? Дүү минь Чи бол энэ орчлонгийн нэгэн хүндтэй зочин шүүдээ. Хүнийг заяаг олж төрсөн бүх хүмүүс азтай, хүндтэй зочид байдаг юм. Чиний өнөөдрийн туулж өнгөрүүлж байгаа бүхэн ирээдүйд чамайг угтах аз жаргалтай сайхан бүхний төлөөх тэмцэл гэж бодоорой. Урсгасан нулимс, шаналсан шаналал болгон чинь эргээд чамд сая сая аз жаргал эргүүлж төлөх болноо. Зоригтой тэвчээртэй байгаарай. Амьдрах сайхан шүү Үнсий дүүгээ

Солонгосоос

1. medicalscience : дүү минь хурдан эдгэрээрэй.

2. Бэхэрэ: Хурдан эдгээд ээж аавынхаа нар нь болж амьдрана шүү миний дүү. Банжиг гэдэг нэг том гэр бүл чиний төлөө залбирч байх болно.

Энэтхэгээс

1. Rush: Миний дүү ухаантай бас зоригтой болохоор л чамд энэ бүхэн тохиож байгаа юм. эгч нь шантрах бүртээ боддог юм. бурхан намайг даах болохоор л энэ бүхнийг надад үүрүүлсэн байх. надаас өөр хүнийг дааж чадахгүй гэсэндээ л гэж боддог. чамд ч бас бурхан чамайг дэндүү зоригтой ухаантай энэ бүхнийг сэтгэлээр давж чадна гэж итгэж байгаа болохоор чамд тохиолдож буй хэцүү саадыг сэтгэлийн тэнхээгээр туулдаг юм шүү. эм тариа мөнгө төгрөгөөс илүү хүний сэтгэл гэдэг хамгийн хүчтэй. эгч нь зөндөө олон эдгэшгүй гэсэн оноштой хүн сэтгэлээрээ эдгээд гарсныг мэднэ. миний ээж бас намайг 7хон настай байхад үсрээд 3хан жил амьдрана гэж эмч хэлж байлаа. харин ээж минь 10н хэддэх жилдээ өвчин гэдэгт бууж өгөөгүй явж байгаа. ээжид минь одоо ямарч өвчин байхгүй. бас ах маань яг тэр үед яг чам шиг насан дээрээ яг энэ өвчнөөр өвдсөн юм. гэхдээ ах минь бас л даваад гарсан. чи амьдралд их юм үзэх хэрэгтэй. амьдрал баянаас баян учир амьдралруу тэмүүлээрэй. сэтгэлээр л үхвэл хичнээн сайн эм тариа байгаад ч нэмэргүй шүү. өвчин бол юу ч биш чи чаднаа дүү минь бид бүгд чамд хайртай болохоор чи бүхнийг даваад гараарай...

Германаас

1. Hilde: Хурдан эдгээрэй гэж алс холоос мэндчилж байгааг минь дуулгаарай

Зарим галиглаж бичсэнг монголооор хөрвүүлхихсэн шүү. Уучлаарай. Хүүд уншихад амар болгох гээд.